“Kinders moet geleer word HOE om te dink, nie WAT om te dink nie.”

 

SPEELSPEEL is ‘n unieke kleuterskool in Pretoria-Oos wat Finland se opvoedkundige riglyne volg om elke kind se volle potensiaal ontwikkel. Die fokus is nie op leer nie, maar om ‘n liefde vir leer te kweek – op’n speel-speel manier.

SPEELSPEEL Skool is nie ‘n besigheid nie. Dis nie ‘n werk nie. Dis ‘n passie. Vir elkeen wat betrokke is by die skool – of hulle sélf ouers is of nie.

Uit die staanspoor het ons die standaarde buitengewoon hoog gestel; diep onder die indruk dat ons met Die Toekoms werk en die kosbare geleentheid het om ‘n verskil te maak.

Alhoewel ons ‘n liefdevolle, rustige en veilige omgewing skep waar jou kosbare kind sy of haar volle potensiaal kan bereik, glo ons dat kinders so lank as moontlik nét kinders moet wees. Daar word geen druk op ons kinders geplaas om te presteer nie – maar terselfdertyd maak ons hulle gereed vir die uitdagings van ‘n groter wêreld. Aangesien ons klasse klein is, word elke kind daagliks waargeneem en enige bekommernisse word dadelik aangespreek.

‘n Baie sterk visie en missie is vir SPEELSPEEL Skool uitgespel:

  • Die voertaal is Afrikaans en Christelike waardes word neergelê.
  • Ons volg die opvoedkundige, holistiese riglyne van Finland.
  • Kinders word blootgestel aan die natuur en die bewaring van die omgewing.
  • Ons bou kulturele brûe om respek vir die tradisies en gewoontes van ons Reënboognasie te kweek.
  • Dit is nodig dat kinders daagliks bewus is daarvan dat ons in ‘n wonderlike land bly – met unieke geleenthede en ‘n positiewe toekoms.

Dis nie net ons kinders wat uniek is nie – ons is ‘n kleuterskool in Pretoria-Oos wat ons op elke gebied onderskei tot voordeel van ons kinders. Ons leer, ja – maar met pret en plesier as die hoogste prioriteit.

 

SPEELSPEEL Skool – die lekkerste, lekkerste skool!